არყის გამოხდა შესაძლებელია ნებისმიერი შაქრით ან სახამებლით მდიდარი მცენარისგან. თუმცა ხარისხიანი არაყი მზადდება მარცვლელულის სპირტისგან, რომელთაგან შვრიის და ხორბლის ითვლება საუკეთესოდ. გომის პროდუქცია დამზადებულია ქართული ხორბლის უმაღლესი ხარისხის სპირტისაგან, რაც ავტომატურად განაპირობებს საუკეთესო პროდუქტის შეთავაზებას მომხმარებლისთვის. არყის წარმოებაში ერთ – ერთი ძირითადი ინგრედიენტი წყალია, რომლის შემადგენლობა არყის საბოლოო ხარისხზე დიდ გავლენას ახდენს. კუპაჟისათვის განკუთვნილი წყალი შერჩეულია კავკასიის მთის ნულოვანი სიხისტის წყაროს წყლებისაგან, რომელიც შეკუპაჟების წინ გადის იონიზაციას. არყის ფილტრაციაში გამოყენებულია 5 სადგურიანი ნახშირის კოლონები, რომელშიც მოთავსებულია ქოქოსის მერქნის გააქტივებული ნახშირი. ფილტრი განსაკუთრებულ არომატს და გემოს სძენს არაყს, რაც გამოკვეთილად განასხვავებს მას სხვა ხის ნახშირებში გატარებული სითხისაგან. ნახშირის ფილტრებში დარბილებული და შესაბამის კონდიციამდე მიყვანილი არაყი, ხარისხის მიხედვით, ჩამოსხმის წინ საბოლოო ფილტრაციას გადის ვერცხლის, ოქროს და პლატინის ფილტრებში. თითოეულ ფილტრში გავლილი სითხე გამოირჩევა მდგრადობით და არაყს სძენს განსაკუთრებულ სირბილეს. ინგრედიენტებთან ერთად ხარისხიანი არყის ერთერთი მთავარი ფაქტორი რეცეპტია. თანამედროვე არყის მწარმოებლების დილემაა მიიღონ იდეალურად დაბალანსებული არაყი, რომელიც კრისტალურად სუფთაა და ამავე დროს არ კარგავს იმ ინგრედიენტის ხასიათს, რომლისგანაც შეიქმნა. გომის პროდუქცია დამზადებულია სპეციალურად შემუშავებული რეცეპტის გამოყენებით, რომელიც ისე არის შექმნილი, რომ დაცულია სირბილის იდეალური ბალანსი და ამავე დროს შენარჩუნებულია პროდუქტის გემო.